Arestado ng mga otoridad ang mag-amang kinilalang sina Archieval David Tesoro, 44-anyos, at Aldrich Gabriel Tesoro, 21-anyos na nakuhanan ng mahigit 100 gramo ng shabu sa Brgy. San Antonio, Parañaque City.
Nakuha sa ikinasang buy-bust operation ng mga tauhan ng station drug enforcement unit at Sub Station 5 ang mga iligal na droga na may street value na aabot sa mahigit 700 libong piso kasama ng marked money at isang wallet.
Nakakulong na ang mag-amang suspek Sa Parañaque City Police Station Custodial Facility at nakatakdang sumailalim sa inquest proceedings.
