Sa ikalawa at huling gabi ng Rebel Heart Tour concert ng music icon na si Madonna sa Pilipinas, kinanta nito sa kauna-unahang pagkakataon matapos ang mahabang panahon ang isa sa kanyang mga hit song–ang Crazy For You.
Tila isinabay ito ng singer sa pagdiriwang ng Pilipinas ng ika-30 anibersaryo ng EDSA People Power Revolution kahapon.
Sinabi ni Madonna na gusto niyang gumawa ng something special para sa okasyon.
“30 years ago, today, something very important happened here in the Philippines. You fought for your freedom. Am I correct?” ang sabi ng singer ayon sa report.
Dito na kinanta ng singer ang paboritong karaoke song ng mga Pinoy.
“Just for you! First time in the Philippines. And the first time that I have sung that song onstage in 30 years. That’s crazy, right?” dagdag nito matapos ang performance.
Matatandaang ni-record ni Madonna ang kantang Crazy For You noong 1984 na nanguna din sa Billboard chart.
Photo: Screengrab from Twitter/HuaweiDevicePH
