Maagang naranasan ang pagsisikip ng trapiko sa kahabaan ng EDSA kaninang umaga.
Ito ay matapos na isara at lagyan ng barikada ang dalawang lane sa ilang bahagi ng EDSA Northbound at Southbound bilang paghahanda sa 31st ASEAN Summit.
Partikular na nagsikip ang daloy ng mga sasakyan sa southbound lanes ng EDSA mula Quezon Avenue hanggang Cubao malapit sa mga terminal ng bus.
Nabatid na madaling araw pa lamang kanina ay nilagyan na ng MMDA ng mga orange barriers ang dalawang lanes sa EDSA na inilaan para sa ASEAN.
Inaabisuhan naman MMDA ang mga motorista na iwasan muna ang ilang bahagi ng EDSA at dumaan na lamang sa mga alternatibong ruta.
—-
