Asahan pa rin na magiging maaliwalas ang panahon sa malaking bahagi ng Luzon maliban nalang sa inaasahang isolated o pulu-pulong pag-ulan, pagkulog at pagkidlat sa hapon hanggang sa gabi.
Patuloy din na makakaranas ng maaliwalas na panahon ang malaking bahagi ng Visayas kung saan, magkakaroon ng pag-ulan, pagkulog at pagkidlat sa bahagi ng Samar, Leyte; Guimaras; Biliran; Bohol; Cebu; Negros Island; at Panay Island.
Magiging maganda naman ang panahon sa natitirang bahagi pa ng Visayas maging sa bahagi din ng Mindanao maliban na lamang sa isolated rain showers at thunderstorms sa hapon at sa gabi.
Agwat ng temperatura sa Metro Manila ay maglalaro sa 26 hanggang 34 degrees celsius habang sisikat naman ang haring araw mamayang 5:57 ng umaga at lulubog naman ito mamayang 6:07 ng hapon.. – sa panulat ni Angelica Doctolero