Patuloy na makakaranas ng maaliwalas na panahon ang bahagi ng Luzon pero may tiyansa ng isolated rain showers o thunderstorm lalo na sa hapon hanggang sa gabi.
Ayon kay PAGASA Weather Specialist Chris Perez, posibleng umabot sa 34 degrees celsius ang pinaka mataas na temperatura sa Tuguegarao habang aabot naman sa 33 degrees celsius ang agwat ng temperatura sa Legazpi, Kalayaan Island, at Puerto Princessa, Palawan.
Magiging mainit at mas maalinsangan naman ang panahon na mararanasan sa buong bahagi ng Visayas at Mindanao dahil yan sa umiiral na easterlies o yung hangin na nagmumula sa silangang bahagi ng pacific ocean.
Wala namang nakataas na gale warning ang pagasa kaya’t malayang makakapalaot ang mga kababayan nating mangingisda maging ang mga maliliit na sasakyang pandagat.
Agwat ng temperatura sa Metro Manila ay maglalaro sa 26 hanggang 33 degrees celsius habang sisikat naman ang haring araw mamayang 5:27 ng umaga at lulubog naman ito mamayang 6:26 ng hapon.
