Naglabas ng Executive Order ang Lungsod ng Cavite kaugnay sa pagbabawal sa paggawa, pagbebenta at pamamahagi ng mga paputok sa pagsalubong ng bagong taon.
Sa nilagdaang E.O NO. 51 ni Mayor Bernardo Paredes, mananagot at ipasasara ang sino mang may-ari, nagtitinda o namumuno ng anumang business establishment na mahuhuling ilegal na gumagawa o nagbebenta ng paputok dahil labag ito sa ipinatutupad na batas sa lungsod.
Layunin ng EO na mapanatili ang kaligtasan, kaayusan at seguridad sa kanilang lugar upang maging masaya ang pagsalubong ng bagong taon. —sa panulat ni Angelica Doctolero
