Aabot sa 28,348 ang naitala ng Philippine National Police na lumabag sa protocols kontra COVID-19 sa nakalipas na tatlong araw ng pagpapatupad ng alert level 2.
Ayon sa PNP, mula Biyernes hanggang nitong linggo ay aabot sa average na 9,449 violators ang naitatala kada araw.
Mahigit 25,000 sa mga ito ang nahuling lumabag sa minimum public health standards habang mahigit 2,000 naman ay curfew violators.
Nasa 64% ng violators ang binigyang babala, 33% ang pinagmulta habang 2% naman ang naharap sa iba pang mga kaparusahan.—mula sa panulat ni Hya Ludivico
