Nag-isyu ang Land Transportation Franchising and Regulatory Board ng special permits sa mahigit isanglibong bus para sa inaasahang Holy Week Exodus.
Ayon kay LTFRB Chairman Teofilo Guadiz III, nakapag-isyu na ang ahensya ng kabuuang 1,018 special permits hanggang nitong Abril 8.
Magiging valid aniya ang mga special permit mula Abril a-onse hanggang a-bente siyete, upang madagdagan ang bilang ng mga provincial bus.
Kaugnay nito, nagkasa na rin ang LTFRB ng random inspection sa mga PUV at transport terminals para tiyakin ang ligtas at maayos na biyahe ng mga pasahero sa Semana Santa.
