Pinaalalahaan ng LTFRB ang mga pampublikong sasakyan na magbigay ng 20% diskwento sa pasahe sa mga estudyante.
Sa harap ito ng pagbubukas ng klase bukas.
Ayon kay LTFRB Board Member Atty. Aileen Lizada, may pasok man o wala maaari pa ring humingi ng student discount ang mga estudyante basta’t magpapakita lamang ng ID.
Saklaw ng student discount ang mga nag aaral sa vocational o technical schools pero hindi anya sakop ng student discount ang mga post graduate students, mga kumukuha ng driving at dancing classes at yung mga short term courses.
“Kahit holiday, kahit Saturday, kahit Sunday, 24/7, 365 days po, kahit bakasyon, kahit sembreak, kahit Christmas break, binibigay ho ang student discount. Yun ho ang bagong patakaran ng LTFRB. “
