Nasa 60 percent nang kumpleto ang konstruksyon ng LRT-1 Cavite extension makaraang ikabit na ang girder sa kahabaan ng Cavitex at Parañaque City.
Ayon kay transportation Arthur Tugade,ikinabit ang girder gamit ang buong span girder launching method at mga makabagong kagamitan upang mapabilis ang konstruksyon kumpara sa traditional pre-casting.
Hindi na aniya kailangang ibiyahe sa kalsada ang mga nasabing materyales upang maiwasan ang traffic congestion.
Sa sandaling matapos ang proyekto, mababawasan ang oras ng biyahe mula Baclaran at Bacoor, Cavite na aabutin na lamang ng sampung minuto mula sa kasalukuyang 25 minuto.
Madaragdagan din ang kapasidad ng pasahero mula sa 800,000 kada araw kumpara sa kasalukuyang 500,000 passengers. —sa panulat ni Drew Nacino
