Walang kapani-paniwalang ouster plot laban sa Pangulong Rodrigo Duterte.
Paniniwala ito ni Defense Secretary Delfin Lorenzana, batay sa kanilang intelligence operations.
Sinabi ni Lorenzana na kung may nagpa plano, dapat ito aniyang mag recruit ng maraming tao kabilang ang militar at pulisya at maging mga opisyal ng gobyerno.
Ayon kay Lorenzana, posibleng may impormasyon ang palasyo sa maliliit na grupo na may ouster plot subalit hindi nito kayang magpatalsik ng gobyerno dahil kailangan pang kumuha ng tao mula sa militar at pulisya.
Samantala, sinabi ni Lorenzana na hindi sila kinunsulta sa matrix na inilabas ng Malakanyang.
