Nasa mahigit 57 pribadong paaralan na ang nakapag-apply para sa isasagawang pilot face to face classes sa bansa.
Sa Laging Handa briefing, sinabi ni DepEd Director Malcolm Garma na isasailalim sa evaluation ang mga nasabing paaralan kung saan 20 lamang sa mga ito ang pipiliin para sa pilot run.
Tutukuyin naman ang mga paaralan na papayagan sa face to face classes pilot run sa Nobyembre 12.
Ipinabatid naman ni Education Secretary Leonor Briones na nasa isandaang pampublikong paaaralan ang nakahanda na para sa Nobyembre 15 habang on-going pa ang evaluation at assessment sa mahigit dalawampung paaralan na magpapatupad ng kanilang face to face classes.
