Inilabas na ni Davao City Mayor Inday Sara Duterte-Carpio ang listahan ng mga pinaniniwalaang na-trap sa nasunog na NCCC Mall.
Kinilala ang ilan sa mga ito na sina Jessica Solis, Gantioco Celestial Jr., Ian Kiem Adlawan, Regine Generales, Christen Joy Garzon, Apple Jane Celades, Iana Apalacio, Jonas Basalan, Jim Benedict Quimsing, Kurtchin Angela Bangoy, Mary Joy Daluro, Randy Balcao, Rosyl Montanez, Missy Rose Artiaga, Analiza Penarejo, Christine Joy Ferraren, Ivan Roble, Christine Alviola at Alexandra Moreno Castillo.
Karamihan aniya sa mga ito ay empleyado ng American BPO company na SSI Philippines Davao na nangako naman ng tulong sa mga kaanak ng mga nawawalang biktima.
1 confirmed dead
Isa na ang kumpirmadong nasawi sa sunog sa New City Commercial Center o NCCC Mall sa Davao City.
Ayon sa Bureau of Fire Protection, isang sunog na bangkay ang narekober mula sa NCCC Mall, kahapon ng tanghali.
Gayunman, hindi pa nakilala ang nasabing bangkay na pinaniniwalaang isa sa mga tenant sa nasabing gusali.
Bagaman Sabado ng umaga nagsimulang kumalat ang apoy, dakong alas-8:00 na ng umaga kahapon pa ito na-control makaraang maakyat ng mga bumbero ang ikaapat na palapag ng mall.
Una ng inihayag ni Pangulong Rodrigo Duterte na maliit na lamang ang tiyansang may nakaligtas sa sunog.
—-
