Madaragdagan na ang mga bagon ng Light Rail Transit-Line 1 o LRT-1.
Kinumpirma ng Department of Transportation na kanilang i-a-award ngayong linggo ang kontrata sa Mitsubishi Heavy Industries Corporation upang magsupply ng 120 brand new light rail vehicles simula 2020 hanggang 2022.
Nagkakahalaga ang proyekto ng 30 Billion Pesos na pinondohan sa pamamagitan ng Official Development Assistance Loan ng Japan International Cooperation Agency.
Sa oras na makumpleto, madaragdagan ang ridership ng LRT 1 na inaasahang makababawas sa masikip na daloy ng trapiko sa Metro Manila.
Sa kasalukuyan ay mayroong 97 bagon ang LRT-line 1 kung saan tinatayang 470,000 ang sumasakay kada araw.