Iginiit ni Public Works and Highways Secretary Manuel Bonoan na ramdam ang “immediate relief” na idinulot ng mga flood control projects sa nakalipas na tatlong taon ng administrasyon.
Ayon kay Sec. Bonoan, ang mga nakumpletong proyekto ng pamahalaan na may kinalaman sa pagbaha ay nagdulot ng positibong resulta, partikular sa mga mabababang lugar o low-lying areas na lubos na nakikinabang sa mga ito.
Mula July 2022 hanggang 2025, iniulat ng kalihim na nasa halos sampung libong flood control projects na ang matagumpay na natapos, habang may mga proyektong kasalukuyang isinasagawa pa.
Sinabi ng kalihim na mahigit limang libong proyekto pa ang kasalukuyang tinatapos, at may mga nakalinya pang karagdagang proyekto para sa susunod na taon.
