Nagbigay ng libreng text at tawag ang National Telecommunications Commission o NTC sa mga bakwit mula sa Marawi City na pansamantalang nanunuluyan sa Cagayan de Oro at Iligan.
Ayon sa NTC, ang kanilang libreng serbisyo ay ipatutupad sa limang evacuation centers sa Iligan City kabilang ang kanaway evacuation center sa Tibanga, Sta. Elena Gymnasium sa Sta. Elena, Buru-an School of Fisheries at BURU-an Gymnasium sa Buru-an; at ang Maria Cristina Gym sa Maria Cristina at sa Indahag Evacuation Center sa Cagayan de Oro City.
Sinabi naman ng NTC na lahat ng gastusin kaugnay sa libreng tawag at text ay manggagaling sa pondo ng NTC Region 10.
Nagsimula ang paghahatid ng serbisyo ng NTC kahapon at magtatagal ito ng pitong araw o isang linggo.
—-
