Inihayag ng isang senador na magpapatuloy hanggang 2023 ang libreng sakay program ng gobyerno para sa mga biyahero.
Ito ang binigyang-diin ni Senator Sonny Angara kung saan ipinunto nito na mayroong nakapaloob na pondo ang kongreso sa ilalim ng 2023 National Budget.
Nitong December 31 dapat matatapos ang libreng sakay sa bus carousel dahil wala ng pagkukunan ng gastos.
Gayunman, sinabi ni Senator Angara na chairman din ng Senate Committee on Finance, na kasama ang pondo ng libreng sakay sa 2023 General Appropriations Act (GAA).
Sa ilalim ng 2023 GAA, kabuuang P 2.16 B ang inilaan para sa PUV service contracting program.
