Umangat pa ang lebel ng tubig sa 8 pangunahing dams sa bansa sa nakaraang 24 oras dahil sa tuloy tuloy na pag-ulan.
Ayon sa Philippine Atmospheric Geophysical and Astronomical Services Administration (PAGASA) Hydromet Division, halos dalawang metro ang naidagdag sa lebel ng tubig sa mga dams sa northern Luzon kabilang na ang Binga, San Roque at maging sa Angat Dam sa Bulacan.
Sa araw na ito, umangat sa 179.8 meters ang lebel ng tubig sa Angat Dam kung saan nagmumula ang 90 porsyento ng tubig sa Metro Manila.
Matatandaan na itinigil na ng Angat ang suplay ng tubig sa irigasyon sa Central Luzon makaraang bumaba sa critical level na 180 meters ang lebel ng tubig sa dam.
By Len Aguirre
