Patay ang isang bilanggo matapos umanong pagbabarilin ng kapwa preso sa dorm 9, building 2 ng maximum security compound sa New Bilibid Prisons.
Ayon kay Bureau of Corrections Spokesman Roberto Olaguer ,isinuko naman kaagad ng suspek na si Ronald Catapang sa Security and response unit ng NBP ang ginamit na Magnum 357.
Sinabi ni Olaguer na nagkaruon ng mainit na pagtatalo ang suspek at ang biktimang si Charlie Quidato, umanoy lider ng commando gang matapos tumangging sundin ang utos na maghagis ito ng granada sa isang pagtitipon ng gang.
Si Quidato ay convicted sa kaso nang pagpaslang kay Masbate City Mayor Moises Espino, Jr. Nuong 2001.
10 armas at isang granada ang narekober ng mga otoridad mula sa mga selda ng Commando gang members
Dahil dito, suspendido muna ang dalaw sa NBP.
By: Judith Larino
