Wala pang katiyakan kung kailan babalik ng bansa si Retired SPO3 Arthur Lascañas.
Inamin ito mismo ni Lascañas na nagsabing umalis siya ng bansa noong April 8 patungong Singapore para na rin sa kaniyang personal na seguridad.
Sinabi ni Lascañas na hindi siya makakapag-testigo kung patay na siya kaya’t ipinagpaliban muna niya ang pagbalik sa Pilipinas.
Tumanggi naman si Lascañas na ibunyag ang mga bagong impormasyon niya laban sa Pangulong Rodrigo Duterte sa pagharap niya sa ICC o International Criminal Court.
Magugunitang inireklamo ni Atty. Jude Sabio sa ICC ang Pangulo kasama ang ilang opisyal ng gobyerno dahil sa maraming bilang ng mga napapatay sa kampanya nito kontra iligal na droga.
By Judith Larino
