Muling nagpahayag ng kaniyang kahandaang tumestigo sa International Court of Justice si retired SPO3 Arturo Lascañas laban kay Pangulong Rodrigo Duterte.
Sa isang panayam kay Lascañas, inamin nitong may banta sa kaniyang buhay dito sa Pilipinas kaya’t minabuti niyang tumulak patungong Singapore kasama ang kaniyang pamilya.
Ngunit nilinaw ni Lascañas na hindi niya tinatakasan ang kaniyang mga naging pahayag sa Senado na nagdiriin kay Pangulong Duterte sa DDS o Davao Death Squad.
Gayunman, tumangging isiwalat ni Lascañas kung sino ang nagpopondo sa kaniya at kung kailan niya balak umuwi sa Pilipinas.
By: Jaymark Dagala
