Makikipagtulungan sa imbestigasyon ng National Bureau of Investigation (NBI) ang The Land Bank of the Philippines (Landbank) hinggil sa nabiktimang mga guro sa isang phishing scam.
Ayon kay Landbank president at C.E.O Cecilia Borromeo, nakipag-ugnayan na sila sa Department of Education at sa mga apektadong guro para sa internal investigation ng kanilang mga reklamo.
Kaugnay nito, pinahintulutan din ni Department of Justice Secretary Menardo Guevarra si officer-in-charge Eric Distor na magsampa ng mga kaukulang kaso laban sa mga mapapatunayang nasa likod ng naturang scam.
Matatandaang sinabi ng Teachers’ Dignity Coalition o TDC na nakatanggap ito ng ilang reklamo na ang mga nasabing indibidwal ay nawalan ng aabot sa 121,000 pesos bawat isa mula sa kanilang landbank account.—sa panulat ni Airiam Sancho
