Lalaking pinagbibintangang nanggahasa nagpakamatay

Natagpuang patay ang isang lalaki na itinuturong suspek sa panggagahasa sa isang 16-anyos na dalaga sa Mangatarem, Pangasinan.

Ayon sa Mangatarem PNP, nagpatiwakal umano ang lalaking kinilalang si Reymundo dela Cruz Jr. sa kanilang inuupahang bahay sa Barangay Paul dakong alas-6:00 kahapon ng umaga.

Natagpuan umano sa tabi ng bangkay ni Dela Cruz ang isang bote ng insecticide na pinaniniwalaang ininom nito makaraang malaman na may ihahaing kaso laban sa kanya.

Nagawa pang isugod si Dela Cruz sa ospital matapos itong matagpuang walang malay sa inuupahang bahay ngunit hindi na ito pinalad at idineklarang dead on arrival.

By Jaymark Dagala

Comments

comments