Patay ang isang 37 anyos na overseas filipino worker (OFW) mula sa Laoag City matapos itong dukutin at patayin sa Papua New Guinea.
Ayon kay Arlyn Comilang, kapatid ng biktimang si Romulo Antonio, hapon ng Marso a-singko nagpaalam ang biktima sa bayaw na may pupuntahan ito.
Pero pagsapit ng gabi ay hindi pa ito umuuwi kaya nagpatulong na sila sa mga otoridad.
Natagpuan ang bangkay ni Antonio sa isang damuhan.
Agad namang nahuli ang suspek na residente rin doon.
Batay sa impormasyon, unang kinidnap si Antonio bago pinatay dahil nawawala ang cellphone at ATM cards nito.
Ngayong darating na linggo darating sa bansa ang bangkay ni Antonio. —sa panulat ni Abby Malanday