Dead on the spot ang isang 31-anyos na lalaki makaraan itong pagbabarilin ng malapitan ng tatlong lalaki sa Bacoor City sa Cavite.
Kinilala ng pulisya ang biktima na si Joshua Metre habang pinangalanan naman ang tatlong suspek na sina alyas “Roden”, “Khalid” at “John”.
Sa imbestigasyon ng pulisya, naglalakad pauwi ang biktima nang harangin ng tatlong armadong suspek at walang sabi-sabing pagbabarilin sa ulo.
Mabilis namang tumakas ang mga suspek tangay ang mga armas na gamit sa krimen.
Inalaam pa ng pulisya ang posibleng motibo ng insidente.
