Ikinatuwa ni Sen. Panfilo ‘Ping’ Lacson ang naging sa desisyon ni Pangulong Rodrigo Duterte na ipagpaliban muna ang pagtataas ng kontribusyon ng PhilHealth sa kanilang mga miyembro.
Ayon kay Lacson, dapat na resolbahin muna ng PhilHealth ang bumabalot na kurapsyon sa ahensya bago ito humirit ng pagtataas ng kontribusyon sa kanilang mga miyembro.
Giit ni Lacson hindi dapat ang mga miyembro ang nahihirapan dahil sa kasalanan ng ahensya.
Una rito ipinag-utos ng pangulo sa PhilHealth na ipagpaliban muna ang pagpapatupad ng premium rate hike.
