Kinasuhan ng kasong kriminal ni Labor Undersecretary Jacinto Paras si Senador Antonio Trillanes IV sa Pasay City Prosecutor’s Office.
Ito ayon kay Paras ay dahil sa verbal threat o mga pagbabanta sa kaniya ni Trillanes nuong isang buwan.
Sinabi ni Paras na paulit ulit siyang binantaan ni Sen. Trillanes na “yayariin” kapag natapos na ang termino ng Pangulong Rodrigo Duterte na tinukoy ng senador na amo ng dating kongresista.
Ang nasabi aniyang banta ni Trillanes ay posibleng ganti nito sa sedition case na nauna niyang isinampa laban dito.
Samantala, itinanggi naman ng senador ang akusasyon ngunit tiniyak na haharapin nito ang kaso.
