Hindi pa rin isinasantabi ng mga otoridad ang iba’t ibang posibleng dahilan ng pagbagsak ng sinasakyang helicopter ni NBA legend Kobe Bryant.
Ito ay matapos ianunsyo na tinitingnan pa rin ang anggulo na zero visibility ang lugar nang oras na lumipad ang helicopter.
Pahirapan pa rin ang pagrekober ng mga labi ng namatay sa naturang insidente.
Sa ngayon tatlo pa lang ang nakukuha at inaasahang tatagal pa bago makuha ang iba.
Samantala, nagpapatuloy pa rin ang pagbibigay pugay ng mga fans ni Bryant mula sa iba’t ibang bansa.
