Nagalit ang Amerika sa Russia sa pagpapakalat nito ng mga maling impormasyon hinggil sa coronavirus disease 2019 (COVID-19) vaccine.
Ang nasabing hakbangin ng Russia, ayon sa global engagement center, isang sangay sa Amerika na nagbabantay ng foreign propaganda, ay magdudulot ng panganib sa buhay ng mga tao.
Tinawag namang lumang istilo ni State Department Spokesman Ned Price ang naturang hakbang ng Russia na sinisiraan pa ang bakunang gawa sa Amerika na Pfizer para paangatin ang sariling bakuna nitong Sputnik V.
Una nang ipinakalat umano ng Russia na inaprubahan na ng Estados Unidos ang dalawang COVID-19 vaccine na gawa ng nasabing bansa.
