Naiuwi na sa kanilang hometown sa Calugusan, Lamitan City, Basilan ang labi ng pinatay na si dating Lamitan Mayor Rosita Furigay.
Dumating ang labi ni Furigay kaninang alas-otso umaga na inalalayan ng kaniyang asawa na si Lamitan Mayor Roderick Furigay at iba pa nilang kamag-anak.
Pagkarating ng labi sa Calugusan, dito na nag-convoy ang nasa 200 sasakyan upang ihatid ang namayapang alkalde sa bahay nito sa Barangay Malinis.
Hindi naman nagpahuli ang mga residente ng Lamitan na sinalubong ang kanilang dating alkalde sa pamamagitan ng hawak na tarpaulin na nananawagan ng hustisya.
Mula 2016 hanggang 2019 na panahon kung saan namahala ang namayapang alkalde, ginawaran ng Department of the Interior and Local Government (DILG) ng seal of good local good ang Lamitan City.
Nasawi si Furigay noong nakaraang linggo matapos pagbabarilin sa Ateneo de Manila Universty habang dumadalo sa graduation ng kaniyang anak.
