Narecover na ang labi ng dalawa (2) sa tatlong (3) Pilipino na nawawala matapos bumagsak ang isang tulay sa Taiwan.
Ayon kay Lito Banayo ng Manila Economic and Cultural Office (MECO), bagamat naipagbigay alam na nila ito sa mga kaanak ng biktima ay minabuti nilang huwag munang isapubliko ang kanilang pagkaka kilanlan.
Sinabi ni Banayo na agad nilang isasa ayos ang pagpapauwi sa labi ng mga biktima samantalang ipagpapatuloy naman ang paghahanap sa isa pang nawawalang Pinoy.
Samantala, apat (4) sa limang (5) pinoy na nasugatan sa insidente ang nakalabas na sa ospital.
Sinabi Banayo na naiwan pa sa ospital ang isa dahil sa ilang bali sa katawan subalit ligtas na ito sa anumang panganib.