Hindi pa rin isinusuko ni Isabela Representative Rodolfo Albano ang laban para sa pagpasa ng panukalang batas na naglalayong gawing legal ang paggamit ng marijuana.
Sa House Bill 4477 o Compassionate Use of Medical Cannabis Act, iginiit ni Albano na batay sa mga development sa Colombia ay lumalabas na malaki ang maitutulong ng marijuana sa health sector.
Base sa nasabing proposed bill, lilikha ng isang medical cannabis regulatory authority sa ilalim ng Department of Health (DOH) upang ma-regulate ang paggamit nito.
Matatandaang lumusot na sa Colombia ang isang marijuana bill noong Martes na naging dahilan upang lumakas lalo ang loob ni Albano para igiit ang agarang pagpasa rito sa Pilipinas.
By Jelbert Perdez
