Nanindigan si Cebu City Mayor Michael Rama at iba pang sektor na dapat manatili sa Pilipinas ang custody ng 2 Chinese nationals.
Magugunitang ang mga naturang Chinese nationals ay suspek sa pagpatay sa 2 Chinese consular staff at ikinasugat ng Consul General sa loob ng isang restaurant sa Cebu.
Sinabi ni Rama na bagamat kini-claim ng mag-asawang suspek na sina Li Qing Liang at Gou Jing ang diplomatic community, dapat pairalin pa rin ang batas ng bansa dahil dito nangyari ang krimen.
Sang ayon naman dito ang human rights lawyer na si Atty. Democrito Barcena at maging IBP Eastern Visayas Region Governor Mae Elaine Bathan na may hurisdiksyon pa rin ang Pilipinas.
Maliban na limitado lamang ang immunity na uubrang mag-claim ang mga suspek na una nang sinasabing isa sa kanila ay consul dapat grounds din umano na in relation to consular functions ang nagawang krimen.
By Judith Larino
