Target na kasuhan ng Department of Justice (DOJ) ang pribadong kumpanya na naghukay sa Compound ng New Bilibid Prison (NBP) sa Muntinlupa City.
Ayon kay Justice secretary Jesus Crispin Remulla, ito’y dahil maraming nilabag na batas ang kumpanyang Agua Tierra Oro Mina (ATOM) na nabanggit ni suspended BuCor chief Gerald Bantag.
Kinukumpleto pa anya ng kagawaran ang Investigation Report bago maghain ng mga kaukulang kaso.
Magugunitang inihayag ni Remulla na itinuloy ni Bantag ang paghuhukay sa umano’y Yamashita Treasure, na personal na sinabi sa kaniya pero hindi niya pinayagan.
Gayunman, kumambyo si Bantag at sinabing “swimming pool” ang kanilang tina-trabaho at hindi isang tunnel para sa pagtakas ng mga bilanggo. —sa panulat ni Hannah Oledan
