Itinanggi ni Senate President Pro Tempore Jinggoy Estrada na may umuugong na kudeta o pagpapalit ng liderato ng senado.
Pinabulaanan din ng senador ang haka-hakang papalitan niya sa puwesto si Senate President Chiz Escudero.
Paglilinaw ni Sen. Estrada, kuntento na sila sa liderato ni sp escudero.
Iginiit pa ng senador na wala siyang balak na maging senate President at wala ring umiikot na papel para mangalap ng suporta sa mga kapwa senador para maitalaga siya bilang lider ng senado.
Matatandaang umugong din ang pangalan ni Senator Estrada noong napabalitang may planong kudeta laban kay dating Senate President migz zubiri bago siya tuluyang palitan ni SP Escudero noong Mayo.
