Iginawad ng Commission on Elections ang kontrata para sa vote counting machines na gagamitin sa 2025 National and Local Elections sa lone bidder na MIRU systems, isang South Korean Firm.
Ayon kay Comelec Chairman George Erwin Garcia, matapos ang isinagawang demonstrasyon ng joint venture na MIRU systems, at ibang technical working group, nagdesisyon ang Comelec En Banc na aprubahan ang rekomendasyon ng special bids and awards committee na ibigay ang kontrata sa MIRU.
Sa ilalim ng kontrata, nakapaloob dito ang teknolohiya na gagamitin, pag-supply ng 110,000 na mga makina, ballot boxes, printing of ballots, laptops at iba pa.
Bagama’t limitado lamang sa pagrenta ng COMELEC sa mga teknolohiya at kagamitan ng MIRU system.
Bukod dito, kabilang din sa kontrata ang transparency audit count para sa 2025 National and local Elections.- sa panunulat ni Jeraline Doinog
