Nanawagan sa pamahalaan ang apo ni Filipino patriot Gen. Miguel Malvar na ipatigil ang konstruksiyon ng Martial Law Museum at sa halip ay isang War Museum na lamang ang gawin.
Ayon kay Atty. Jose Malvar Villegas, Pangulo ng Philippine-American War Foundation, milyun-milyon ang ginagastos ng gobyerno sa pagpapatayo ng naturang museo para isulong ang awareness sa sinapit ng mga biktima ng diktadurya ni dating Pangulong Ferdinand Marcos.
Subalit, giit ni Villegas, mas maiging Philippine War Museum na lamang ang itayo para ipakita sa mga tao ang pananakop ng mga dayuhan sa Pilipinas noong unang panahon.
Matatandaang si Gen. Malvar ang nanguna sa pwersa ng Pilipinas laban sa tropa ng mga Amerikano noong 1898 hanggang 1902.
By: Jelbert Perdez
