Laya na ang konsehal na dinukot ng mga terorista sa sulu. batay sa report ng Sulu Provincial Office pasado alas nueve kagabi nang palayain ng kanyang kidnappers ang biktimang si Jolo Councilor Ezzedin Tan sa Brgy. Buroh sa munisipyo ng Talipao.
Mismong ang pamilya ni Tan ang sumundo dito at kaagad itong iniuwi.
Alas onse kaninang umaga nang sumalang sa medical check up at debriefing si Tan sa isang military hospital.
Hindi tinukoy ng mga otoridad kung magkano ang ransom kapalit nang paglaya ni Tan.
Magugunitang buwan pa ng Setyembre nang dukutin ng mga armadong kalalakihan si Tan habang nagbibisikleta ito sa Brgy. Tagbak sa bayan ng Indanan.
Si Tan ay pamangkin ni dating Sulu Vice Governor Abdusakur Tan na kabilang sa mga kilalang pamilya sa lalawigan ng Sulu.
