Magsasagawa ng sariling pagdinig ang House of Representatives hinggil sa programa ng pamahalaan sa pagpapabakuna kontra COVID-19 sa Lunes, Enero 18.
Pangungunahan ng House Committee on Health na pinamumunuan ni Quezon Representative Angelina Helen Tan ang pagdinig na isasagawa sa pamamagitan ng online.
Ayon kay Tan, maraming lumalabas na magkakaibang opinyon kaugnay sa pagbili ng bakuna kontra COVID-19 ng pamahalaan lalo na mula sa mga non-medical experts.
Ito aniya ang dahilan kaya nais nilang marinig mula sa mismong mga eksperto ang katotohanan batay sa siyentipikong opinyon.
Naniniwala rin si Tan na makatutulong sa kongreso ang naturang pagdinig upang matukoy ang mga kinakailangang batas na mas makapagpapabilis mass vaccination plan ng ehekutibo.
Kabilang aniya sa mga inimbitahang resource persons ang mga opisyal na may kinalaman sa pagbili ng bakuna tulad nina health Secretary Francisco Duque III at Vaccine Czar Carlito Galvez Jr.
