Tiniyak ni Metropolitan Manila Development Authority Chairman Francis Tolentino na “isolated case” lamang ang bayolenteng komprontasyon ng isang traffic constable at dalawang miyembro ng Philippine National Police-Highway Patrol Group noong nakaraang linggo.
Ito’y kasunod ng reklamo ni MMDA member Leon Trinidad laban kina Senior Inspector Joel Maranion at SPO2 Norman Interino matapos aniya siyang saktan ng mga ito sa EDSA-Quezon Avenue intersection.
Ayon naman kay PNP-HPG director Chief Superintendent Arnold Gunnacao, umamin umano ang dalawa na sinaktan nga nila si Trinidad.
Subalit, nilinaw naman ni Gunnacao na posibleng paimbestigahan din si Trinidad dahil sa sinasabing hindi pag-iisyu ng traffic violation ticket sa isang motorista.
By: Jelbert Perdez
