Koleksyon ng toll fee sa CALAX Silang Interchange, nagsimula ngayong araw, Pebrero 10

Nagsimula nang ipatupad simula kaninang 12:01 am   ang toll fee sa pinakabagong CALAX Silang Aguinaldo Interchange.

Ayon sa MPT Metro Pacific Tollways South , ang end-to-end na paggamit sa CALAX ay nagkakahalaga ng P81 para sa Class 1, P 163  para sa Class 2, at para sa Class 3 vehicles P 244  .

Binigyang diin ng MPT South na kailangan ang toll fee para patuloy na mapanatili ang maayos na tollway habang tinitiyak ang ligtas na paglalakbay ng mga motorista.

Itinuturing na critical section ng CALAX ang Silang Aguinaldo Interchange dahil direktang kumukonekta ito sa Aguinaldo Highway para sa mas maayos at mas mabilis na paglalakbay patungo sa mga pangunahing destinasyon gaya ng  Tagaytay at Silang.