Sinuspinde ang klase sa Legazpi City, Albay dahil sa malakas na pag-ulang dulot ng bagyong Agaton.
Sa isang Advisory, sinabi ni Mayor Noel Rosal, Chairman ng City Disaster and Climate Change Resilience Council, na walang pasok sa lahat ng antas sa pampubliko at pribadong paaralan.
Inatasan naman ang lahat ng Barangay officials na nasa mga mababang lugar na magsagawa ng mga hakbang bilang pag-iingat sa posibleng pagbaha at landslide, gayundin ang pagbabawal sa paglalayag.
Pinapayuhan rin ang mga residente na iwasang tumawid sa mga ilog at daluyan ng tubig.
