Posibleng madagdagan pa ang ibibigay na refund ng Grab sa mga mananakay nito.
Una nang ipinag-utos ng Philippine Competition Commission (PCC) na i-refund ng Grab ang P5-M sobrang singil sa mga mananakay nito noong Pebrero hanggang Marso.
Ayon kay PCC Commissioner Johannes Bernabe, nire-review nila ngayon ang kinolektang pasahe ng Grab mula Hunyo hanggang Agosto.
Una nang sinabi ng PCC na nagkaroon ng virtual monopoly ang Grab sa Pilipinas matapos na tapusin ng Uber ang operasyon nito sa bansa.
