Pumanaw na kahapon ang kilalang fashion designer na si Jose “Pitoy” Moreno sa edad na walumpu’t pito.
Kinumpirma ni Paul Jason Cruz na binawian ng buhay ang kanyang lolo sa Manila Medical Center, mag-aalas Tres ng hapon dahil sa cardiac arrest.
Nakilala si Moreno na tinaguriang “Fashion Czar of Asia” bilang isa sa mga nasa likod ng mga disenyo ng mga gown at iba pang damit ng mga kalahok ng Binibining Pilipinas.
Sa loob ng mahigit animnapung taon, tumatak ang mga likha ni Pitoy tulad ng kanyang signature “maria clara” terno sa mga pahina ng iba’t ibang international magazines gaya ng Vogue at Harper’s Bazaar.
Kabilang din si Moreno sa batch ng mga pinarangalan ng national artist award noong 2009, pero ipinawalang bisa ng Supreme Court.
