Patay ang isang puganteng drug personality matapos na manlaban sa mga aarestong pulis sa bayan ng Murcia sa lalawigan ng Negros Occidental.
Kinilala ang drug suspek na si Jennifer Mercader na napatay ng pinagsanib na puwersa ng Intellegence Division ng PNP Region 6, Police Regional Office 7 at PNP Drug Enforcement Group (PDEG).
Ayon kay Police Regional Office 6 Director P/BGen. Rene Pamuspusan, unang pumutok ng baril si Mecader nang mamataan nito ang mga pulis na tumutugis sa kaniya sa Brgy. Minoyan sa nasabing bayan kahapon.
Dahilan upang gumanti naman ng putok ang mga arresting officer na nagresulta sa agaran nitong pagkasawi.
Nabatid na kabilang si Mercader sa Top 10 High Value Target at matagal na ring minamanmanan ng Regional Intellegence Division 6 dahil sa pagiging armed and dangerous nit.
