Naaresto ng Philippine National Police (PNP) si Kerwin Espinosa, anak ng mayor ng Albuera Leyte na sinasabing big time drug lord sa bansa.
Ayon kay PNP Director General Ronald dela Rosa, nalaman nilang nasa Abu Dhabi si Espinosa mula sa mga Overseas Filipino Workers.
Dahil dito, agad anya nilang ipinadala sa Abu Dhabi ang team ng PNP Anti-Illegal Drugs Group na siya namang nakipag-coordinate sa Interpol at Abu Dhabi Police.
Bahagi ng pahayag ni PNP Chief Ronald Dela Rosa
Sa ngayon ay hawak na ng PNP-AIDG si Espinosa at pino-proseso na ang mga dokumento para sa kanyang extradition sa Pilipinas.
Kumbinsido si Dela Rosa na lumipad ng Abu Dhabi si Espinosa mula sa Malaysia kung saan siya unang nagtago.
Una rito, inaresto na rin ng pulisya ang ama ni Kerwin na si Albuera Mayor Rolando Espinosa.
By Len Aguirre | Jonathan Andal (Patrol 31)
