21 bagong kaso ng coronavirus disease 2019 (COVID-19) ang naitala sa lungsod ng Taguig kaya’t umakyat na ang kabuuang bilang nito sa 787.
Batay sa datos mula sa City Health Department, pawang nagmula sa mga barangay Calzada, Fort Bonifacio, at South Daanghari ang mga nadagdag na kaso.
Mula sa nasabing bilang, 21 sa mga ito ang nasawi habang 142 naman ang naka-rekober o gumaling sa sakit dulot ng virus.
Mula Enero 27 hanggang Hunyo 27, nasa 3,753 na ang kabuuang bilang ng mga suspected COVID-19 cases sa lungsod.
