Umakyat pa sa 4,421 ang kabuuang bilang ng kumpirmadong kaso ng coronavirus disease 2019 sa Quezon City.
Ayon sa Department of Health (DOH), 1,642 sa nabanggit na bilang ang active case.
Habang tumaas naman sa 2,415 ang kabuuang bilang ng mga gumaling mula sa COVID-19 sa lungsod matapos madagdag ng 31 bagong recoveries.
Isa naman ang nadagdag sa mga nasawi na mayroon nang kabuuang bilang na 275.
Sa pinakahuling datos din ng Quezon City government, naaabot na ng HOPE 1 at HOPE 2 quarantine facilities ang sukdulang kapasidad nito habang sa HOPE 3 ay mayroon na lamang 14 na bakanteng kama para sa mga pasyente.
