Nadagdagan pa ng 607 ang kumpirmadong kaso ng coronavirus disease 2019 (COVID-19) sa bansa ngayong Sabado, Hunyo 13.
Dahil dito, pumalo na sa 25,392 ang kabuuang bilang ng COVID-19 case sa bansa.
Sa datos na inilabas ng Department of Health (DOH), sa 607 na panibagong kaso, 504 dito ay ‘fresh’ cases samantalang 103 naman ang backlogs.
Nadagdagan naman ng 22 ang bilang ng mga nasawi dahil sa sakit sa nakalipas na magdamag kaya naman umabot ito sa bilang na 1,074.
Habang 252 naman ang nadagdag sa bilang ng mga nakarekober kaya’t umabot na sa 5,706 ang bilang nito.
