Ipinag-utos na ni Cebu Governor Gwen Garcia sa lahat ng alkalde sa lalawigan na ipagbawal na ang Mandatory COVID-19 vaccination.
Sa isang memorandum na inilabas kahapon, inatasan ni Garcia ang mga Mayor na huwag ng gawing mandatory ang pagbabakuna para sa sektor ng edukasyon, trabaho at ilang government transaction.
Pinagbawalan din ang mga Rural Health Unit sa lalawigan na i-discriminate ang mga unvaccinated na guro, estudyante o magulang.
Magugunitang binatikos ni Garcia ang bantang pag-aresto sa mga walang facemask matapos niyang gawing optional ang pagsusuot nito sa mga outdoor at open space sa lalawigan.
Wala anyang “ligal na basehan” ang National Government upang hulihin ang mga taong hindi nakasuot ng facemask sa gitna ng pandemya.
Pinuna rin ng Gobernadora si Pangulo Rodrigo Duterte na nagtatanggal din naman ng kaniyang facemask kapag humaharap sa publiko.
